Таъкидланишича, овоз бериш сайлов комиссияси аъзолари, ушбу мамлакатда яшаётган ўзбек диаспораси фаоллари иштирокида давлатимиз мадҳияси ижроси билан бошланди.
CОВИД-19 пандемияси билан боғлиқ мавжуд вазият ҳамда Нидерландия қонунчилиги талабларини инобатга олган ҳолда овоз бериш жараёни санитария-эпидемиологик хавфсизлик чораларига риоя қилинган ҳолда ўтказилди.
Сайлов куни Брюсселдаги элчихонага келиш имконияти бўлмаган сайловчилар муддатидан олдин овоз бериш ҳуқуқини амалга ошириши учун барча зарур шароитлар яратилди.
"Ўзбекистоннинг Бельгиядаги элчихонаси яна бир бор Бенилюкс мамлакатларида яшаётган юртдошларимизни 24 октябрь куни бўлиб ўтадиган ушбу муҳим сиёсий тадбирда фаол иштирок этишга чақиради", — дейилади хабарда.
Эслатиб ўтамиз, Ўмон Султонлигининг "Asdaa Oman" газетасида "Сайловолди тайёргарлик ишлари якунлангач, 24 октябрь куни Ўзбекистонда Президент сайловлари ўтказилади" сарлавҳали мақола чоп этилганди.
Аввалроқ Туркияда яшаётган ўзбекистонликлар президент сайловида қатнаша олиши учун сайлов участкаси ташкил этилгани, Ўзбекистондаги энг баланд нуқтада жойлашган сайлов участкаси ҳамда Туркияда яшаётган ўзбекистонликлар учун сайлов участкаси ташкил этилгани хабар қилинганди.