Гурбангули Бердимуҳамедов давлатимиз раҳбари ҳамроҳлигида Мустақиллик майдонига ташриф буюриб, Мустақиллик ва эзгулик монументи пойига гул қўйди.
Айни дақиқаларда Кўксарой қароргоҳида Туркманистон Президентини расмий кутиб олиш маросими бошланди. Шавкат Мирзиёев ва Гурбангули Бердимуҳамедов шоҳсупага кўтарилди, икки давлат мадҳияси янгради. Президентлар Ўзбекистон байроғини кўтарган фахрий қоровул олдидан эҳтиром кўрсатиб ўтдилар. Икки мамлакат раҳбарлари ҳукумат аъзоларини ўзаро таништирди.
Ўзбекистон президенти Туркманистон етакчисини 27 сентябрда нишонланган мамлакат мустақиллигининг 30 йиллиги билан яна бир бор табриклади ва қардош туркман халқига тинчлик ва фаровонлик тилади.
Шундан сўнг Шавкат Мирзиёев ва Гурбангули Бердимуҳамедовнинг яккама-якка (тор доирадаги) музокаралари бошланди.
Маълумот ўрнида: Шу йил ҳисобидан Ўзбекистон ва Туркманистон раҳбарлари 4 марта учрашиб, музокара олиб борган.
Аввалроқ Ўзбекистон-Туркманистон иқтисодий форуми бўлиб ўтганди.