Кумандан сўнг яна бир голландияликнинг “Барселона”дан кетиши аниқ бўлди
Ҳужумчи Люк де Ёнг қишки трансфер ойнасида “Барселона”ни тарк этиши мумкин.
31 ёшли футболчининг трансферини талаб қилган мураббий Роналд Куман ишдан бўшатилганидан сўнг ҳужумчи энди клуб раҳбариятини қизиқтирмаслиги табиий. Каталонияликлар футболчини январь ойида бошқа клубга ўтказишга ҳаракат қилади.
“Барселона” ёзда де Ёнгни “Севиля”дан ижарага олганди. Қоидага кўра, футболчи бир мавсумда бирданига учта жамоада ўйнай олмайди, бироқ де Ёнг бу йил “Севиля”да бирорта ҳам ўйин ўтказмаган. Шу сабабли бошқа клубга ўтиш барча томонларнинг розилиги билан амалга ошиши мумкин.
Эслатиб ўтамиз, ҳужумчи бу мавсум “Барселона” сафида 6 ўйинда 1 та гол урди.
Аввалроқ Хави “Барселона”га бош мураббий бўлишга розилик билдиргани ва “Реал Мадрид” 1 январгача Мбаппени қўлга киритмоқчи эканлиги ҳақида хабар берилганди.
Жамшидбек Амиров
