Лапорта нима учун “Барселона” Лионел Месси билан янги шартнома имзоламаганини очиқлади
Каталониянинг “Барселона” клуби президенти Жоан Лапорта нима учун аргентиналик ҳужумчи Лионел Месси билан шартнома имзолай олмаганини тушунтирди:
“Месси билан биз фейр-плейга мос кела олмадик. Унинг шартномасини меҳнат харажатларига киритиш учун бизда маблағ йўқ эди. Очиғини айтганда, клубда Мессини “Барселона”да олиб қолиш учун маблағ етарли эмас эди. У ўз таклифларини айтди. Биз уни олиб қолишга ҳаракат қилдик”.
Эслатиб ўтамиз, 10 август куни Месси Франциянинг “ПСЖ” клуби билан икки йиллик шартнома имзолади. Икки томон келишувига асосан шартнома яна бир мавсум узайтирилиши мумкин. “Барселона” эса 5 август куни Месси билан шартномани узайтирмаслигини билдирди.
Аввалроқ “Реал Мадрид” 1 январгача Мбаппени қўлга киритмоқчи эканлигини ва Ла Лиганинг икки клуби бош мураббийсиз қолгани ҳақида хабар берилганди.
Жамшидбек Амиров
