O‘tkazilgan reyd tadbirlarida Surxondaryoda to‘xtatilgan “Spark” rusumli avtomobil boshqaruvidan 16 yoshli bola tushib keldi. Bu haqda Yo‘l harakati xavfsizligi xizmati maʼlum qildi.
Holat bo‘yicha tegishli hujjatlar rasmiylashtirildi. Transport vositasi vaqtincha saqlash uchun jarima maydoniga qo‘yildi.
“Barcha ota-onalardan voyaga yetmagan farzandlariga avtomobil boshqarishga ruxsat bermasliklarini, eʼtiborli bo‘lishlarini so‘raymiz”, deyiladi xabarda.
Eslatib o‘tamiz, avvalroq 7-sinf o‘quvchisi rul boshqaruvini yo‘qotishi oqibatida mudhish hodisa ro‘y bergandi.