Mutaxassislar yaqin kunlarda Yerni kuchli magnit bo‘roni qoplashi haqida ogohlantirmoqda. Bu haqda "Meteogen xabar berdi.
Xususan, hodisa 16-18-sentabr kunlari kuzatiladi. 16-sentabr kuni bo'ron o'rtacha, 17-da kuchli va 18-sentabrda yana o'rtacha bo'ladi.
Magnit bo'ronlarning ta'sirini minimallashtirish uchun mutaxassislar ortiqcha ishlamaslik, yetarlicha uxlash, spirtli ichimliklar, kofeinli ichimliklar, yog'li va zararli ovqatlardan voz kechishni tavsiya qiladi. Shuningdek, jismoniy faollikni kamaytirish va ochiq havoda ko'proq vaqt o'tkazish maqsadga muvofiqdir.
Avval ham Quyoshdagi kuchli chaqnash tufayli Yer sayyorasi magnit bo'roni bilan qoplangan edi.