Qibrayda ustunga radar o‘rnatayotgan 26 yoshli muhandis tok urib vafot etdi. U 6,5 metr balandlikda elektr simlarini ulash jarayonida havo elektr uzatish tarmog‘iga tegib ketgan.
Toshkent viloyati, Qibray tumanida 2024 yil 1 may kuni muxandis elektr simlarini ulash jarayonida jarohatlanib, vafot etdi. Bu haqda Kambag‘allikni qisqartirish va bandlik vazirligi buyrug‘ida ma’lum qilindi.
Ta’kidlanishicha, hodisa 2024 yil 1 may kuni soat 17:20 larda sodir bo‘lgan. 1998 yilda tug‘ilgan kompyuter tarmog‘i muhandisi Sardorbek Madaminov Qibray tumani Universitet va Salar chorrahasida ishlayotib, tok urishi oqibatida vafot etgan. U 6,5 metr balandlikda elektr simlarini ulash jarayonida havo elektr uzatish tarmog‘iga tegib ketgan.
Mazkur baxtsiz hodisani maxsus tekshirish uchun komissiya tuzilgan.