Yigirma yildan beri yaqin do‘st bo‘lib kelgan to‘rt juftlik keksalikda zavqlanish va birga hayot kechirish uchun o‘z shaxsiy kichik shaharchasini qurishga qaror qilishdi.
Ular Texasning Ostin shahridan bir soatlik masofada, daryo bo‘yidan yer sotib olib, kichik, qulay uylar va umumiy dam olish maskanlarini barpo etishdi. “Bestie Row” deb nomlangan bu maskan tabiat qo‘ynida osoyishtalik topish va hayotdan zavq olish uchun ajoyib joyga aylandi.
Ekologik toza shaharcha atrof-muhitga zarar yetkazmaydi – tomlarga yig‘iladigan yomg‘ir suvi resurslarni tejashga yordam beradi. Shuningdek, har bir uy shunday qurilganki, hech biri daryo manzarasini to‘sib qo‘ymaydi.