Avstriyadan Xitoyga parvoz qilgan Hainan Airlines samolyotida chipta va hujjatlarsiz yo‘lovchi aniqlangan. U afg‘onistonlik erkak bo‘lib, Vena xalqaro aeroportida rasmiy nazoratdan o‘tgan bo‘lsa-da, samolyotga chiqish vaqtida olomon orasida yashirinib, ichkariga kirishga muvaffaq bo‘lgan. U bortdagi hojatxonada yashirinib olib, Xitoyning Shenchen shahriga yetib borgunga qadar ekipaj e’tiboridan chetda qolgan.
Parvoz boshlanganidan so‘ng, styuardessalar noqonuniy yo‘lovchini aniqlagan, biroq samolyotni ortga qaytarish imkoniyati qolmagan. Shunday qilib, Shenchen aeroportiga yetib kelganida, erkak Xitoy politsiyasiga topshirildi. Rasmiylar uni mamlakatga kirish qoidalarini buzganlikda ayblab, darhol Venaga deportatsiya qildi. Avstriyaga qaytgach, u hibsga olindi, biroq keyinchalik sud uni garov evaziga qo‘yib yubordi.