Afg‘oniston tashqi ishlar v.b. Amir Xon Mutaqqiy Hindistonni Kobuldagi elchixonasini qayta ochishga chaqirdi. Bu haqda u Hindiston OAVlariga bergan intervyusida aytgan.
Mutaqqiy toliblar diplomatik missiya xavfsizligini taʼminlashiga vaʼda bergan. Shu bilan birga u Nyu-Delining Afg‘onistondagi loyihalarini qayta tiklashiga umid bildirgan.
Shu bilan birga vazir Afg‘onistondagi xotin-qizlar bilan bog‘liq vaziyatga izoh berar ekan, “Tolibon” hokimiyati o‘rnatilgan so‘nggi to‘qqiz oyda biror ayol qamoqqa olinmaganini maʼlum qilgan.
Avvalroq Qandahorda ayollarga jamoat transportida yakka holda harakatlanish taqiqlab qo‘yilgandi.