Holat 10 iyul kuni soat 23:30 larda Andijon tumani “Teraktagi” MFY hududidan o‘tgan yo‘lda sodir bo‘lgan. 1996 yilda tug‘ilgan haydovchi Tracker rusumli transport vositasida harakatlanayotib, tezlikni meʼyoridan oshirib yuborgan. Shundan so‘ng u rul boshqaruvini yo‘qotgan va yo‘lning qatnov qismidan chiqib, zovurga tushib ketgan.
Ushbu yo‘l-transport hodisasi oqibatida avtomashinaning oldi o‘rindig‘ida yo‘lovchi sifatida ketayotgan 20 yoshli fuqaro tan jarohati olib, shahar shifoxonasiga murojaat qilgan.
Hozirda holat yuzasidan surishtiruv ishlari olib borilmoqda.