Gollivud aktrisasi va BMTning “yaxshi niyat elchisi” Anjelina Joli Ukrainaga keldi. U insonparvarlik missiyasi bilan urush davom etayotgan mamlakatga tashrif buyurdi.
Kino yulduzi Lvovga borgan. Ijtomoiy tarmoqlarda uning kafelardan birida suratga olingan videosi paydo bo‘ldi. Joli Lvovdagi vokzalda ukrainaliklar bilan suhbatlashgan.
Eslatib o‘tamiz, Anjelina Joli 2001-yilda BMTning Qochqinlar bo‘yicha Oliy komissarligining “yaxshi niyat elchisi” etib tayinlangan. Tayinlanganidan beri u bir qator mamlakatlarga qochqinlar bilan uchrashish uchun borgan.