AQSHning Tennessi shtatida kuchli tornado va bo‘ronlar yuz berdi. Oqibatda kamida olti kishi halok bo‘lgan, 28 kishi jarohatlangan.
Bundan tashqari, ko‘plab uylar vayron bo‘ldi, 60 mingga yaqin mahalliy aholi elektr taʼminotidan uzildi. Tabiiy ofat asosan shtatning janubiy hududlariga zarar yetkazdi.
Shtat poytaxti Neshvillning shimoliy chekkasida uch kishi halok bo‘ldi. Neshvilldan 50 mil shimoli-g‘arbda joylashgan Klarksvillda ham 3 kishi halok bo‘lgan, o‘nlab odamlar yaralangan.
Klarksvill meri Jo Pitts favqulodda holat va komendantlik soati eʼlon qildi.