AQSHning Janubiy va Markaziy Osiyo bo‘yicha maxsus vakili Sergio Gor 3–7-fevral kunlari Qirg‘iz Respublikasi va O‘zbekistonga rasmiy tashrif bilan keladi. Bu haqda AQSH Davlat departamenti ma’lumot berdi.
Tashrif doirasida Sergio Gor Bishkek shahrida bo‘lib o‘tadigan B5+1 Business Forum’da ishtirok etadi. Tadbirda Qozog‘iston, Qirg‘iziston, Tojikiston, Turkmaniston va O‘zbekistonni birlashtirgan C5 mamlakatlari, shuningdek, AQSHning yirik biznes vakillari va siyosiy qaror qabul qiluvchi shaxslar qatnashadi.
Forum davomida AQSH–Markaziy Osiyo hamkorligini rivojlantirishda xususiy sektorning muhim o‘rni alohida ta’kidlanishi kutilmoqda. Muhokamalarda savdo aloqalarini kengaytirish, investitsiya muhitini yaxshilash hamda davlat va xususiy sektor hamkorligi orqali mintaqaviy iqtisodiy bog‘liqlikni mustahkamlash masalalariga e’tibor qaratiladi.
Mazkur tashrif AQSHning Markaziy Osiyo mamlakatlari bilan iqtisodiy va biznes aloqalarni chuqurlashtirishga qaratilgan sa’y-harakatlari doirasida muhim qadam sifatida baholanmoqda.