Bugun O‘zbekiston tashqi ishlar vaziri v.b. Vladimir Norov Argentinaning O‘zbekistondagi favqulodda va muxtor elchisi etib tayinlangan (qarorgohi Moskva shahrida) Eduardo Antonio Zuaynni qabul qildi.
Ishonch yorliqlarini topshirish marosimi bilan boshlangan uchrashuv avvalida V.Norov elchiga diplomatik missiyasini amalga oshirishda muvaffaqiyatlar tiladi.
Tomonlarning konstruktiv siyosiy muloqotni faollashtirishga tayyorligi taʼkidlandi. O‘zaro aloqalarning shartnomaviy-huquqiy asosini kengaytirish, parlament diplomatiyasini rivojlantirish, vazirliklararo maslahatlashuvlarni o‘tkazish, shuningdek, xalqaro institutlar doirasidagi saʼy-harakatlarni muvofiqlashtirish bo‘yicha takliflar ko‘rib chiqildi.