Xalqaro astronomlar guruhi Yer va Quyosh tizimi uchun potensial xavfli bo‘lishi mumkin bo‘lgan yangi kosmik hodisani aniqladi. Hindiston, Ispaniya, AQSh va boshqa mamlakatlardan olimlar Somon yo‘li taqdiriga ta’sir qilishi mumkin bo‘lgan ulkan radiostansiyalarga ega galaktikani kashf etishdi.
Tadqiqotchilarning fikriga ko‘ra, ushbu spiral galaktika markazida joylashgan supermassiv qora tuynuk 6 million yorug‘lik yili uzunlikdagi kuchli radio portlashlarni hosil qilmoqda. Bu kashfiyot muhim ahamiyatga ega, chunki ilgari bunday kuchli energiya oqimlari faqat elliptik galaktikalarga xos deb hisoblangan. Ushbu hodisaning qayd etilishi galaktikalar evolyutsiyasi haqidagi ilgari qabul qilingan nazariyalarni qayta ko‘rib chiqish zarurligini ko‘rsatmoqda.
Mutaxassislarning ta’kidlashicha, agar Somon yo‘lining markazidagi supermassiv qora tuynuk – Sagittarius A (SGR A) faollashsa, bu Quyosh tizimi va Yerga jiddiy ta’sir ko‘rsatishi mumkin. Hodisa natijasida kuchli radio nurlanishi Yerning ozon qatlamiga zarar yetkazishi, yuqori radiatsiya darajasi tirik organizmlarda mutatsiyalarga olib kelishi, yulduz shakllanish jarayonlari buzilishi va sayyoralarning dinamikasi izdan chiqishi mumkin.
Garchi hozircha SGR A* ning yaqin kelajakda faollashishi ehtimoli juda kichik bo‘lsa-da, astronomlar bu hodisaning mumkin bo‘lgan oqibatlarini o‘rganishda davom etmoqda.