Avstraliya AQSH bilan 2.5 milliard dollarlik harbiys texnika sotib olish to‘g‘risida shartnoma imzolandi. Bu haqda “TASS” xabar berdi.
Maʼlumotlarga ko‘ra, Kanberra Qo‘shma Shtatlardan Abrams tanklari va boshqa texnikalar sotib oladi. Tanklar soni 75 ta va ular 2025 yilgacha xarid qilinadi. Avstraliya mudofaa vaziri Piter Dattonga ko‘ra, u 59 ta M1A1 Abrams tanklarini almashtirishga imkon beradi.
Bundan tashqari, 29 ta minalarga qarshi M1150 zirhli mashinalari, 18 ta ko‘prik quruvchi va oltita zirhli evakuatsiya mashinalari sotib olinadi.
AQSH va Avstraliya o‘rtasida so‘nggi oylаrda harbiy hamkorlik tobora kengaymoqda. Xususan 2021 yil 15 sentyabr kuni bu ikki davlat va Buyuk Britaniya o‘rtasida AUUKUS alyansi tuzilgani eʼlon qilindi.
Avvalroq Yaponiya va Avstraliya o‘rtasida yangi harbiy kelishuv imzolanishi to‘g‘risida xabar berilgandi.
Jahongir Qo'ziyev