Avstriya Rossiya gaziga embargo joriy etilishiga qarshi chiqmoqda. Bu haqda mamlakat raqamlashtirish va iqtisodiyot vaziri Margaret Shrambyok maʼlum qildi.
“Gaz embargosi — Avstriya uchun aniq qizil chiziq. Buni biz ham, Germaniya ham ko‘tara olmaydi. Avstriya tomondan ham, Germaniya tomondan ham biz bunga yo‘q deymiz, chunki embargo foydadan ko‘ra ko‘proq zarar keltiradi”, – degan u.
Shuningdek, Shrambyok ekologik toza yo‘l bilan gaz qazib olishni hamda quyosh va vodorod energetikasi bo‘yicha Saudiya Arabistoni bilan hamkorlikni kengaytirishga chaqirgan.
Avvalroq Yevropa Rossiyadan gaz yetkazib berishni cheklashga tayyor emasligi to‘g‘risida xabar berilgandi.