Avstriya qurg‘oqchilikdan aziyat chekmoqda. Aytilishicha, Avstriya sharqidagi Sikze ko‘li butunlay qurib qolgan.
Mahalliy aholi ko‘lning qurib qolgan tubidan tanga va taqinchoqlar qidirmoqda. Topilmalar orasida baliq suyaklari ham bor: bir necha oy oldin bu yerda minglab baliqlar nobud bo‘lgan.
"Biz ko‘l qurib ketishini bilardik. Agar rasmiylar baliqlarni saqlab qolishni ertaroq boshlaganlarida, yana ko‘plari tirik qolgan bo‘lardi. Buni ko‘rish dahshatli. Bu yerdan o‘lik baliqlarni konteynerlarda olib ketishgan", — deydi mahalliy aholi vakillaridan biri.
Odatda bu vaqtda Alp tog‘larida qor ko‘proq yog‘adi. G‘arbiy Avstriyada bu qishda uchinchi marta kam yog‘ingarchilik kuzatildi, Italiyada esa odatdagi meʼyorning yarmi bor. Bu Yevropaning ko‘p qismi uchun jiddiy oqibatlarga olib keladi.
Avstriya hukumati ichimlik suvi infratuzilmasiga sarmoya kiritish orqali muammoga qarshi kurashishga harakat qilmoqda va quduqlarni burg‘ulash ustida ishlamoqda.