28-sentabr kuni Kataloniyaning "Barselona" klubiga Ispaniya Qirollik futbol federatsiyasi hakamlar qo'mitasining sobiq vitse-prezidenti Xose Negreira ishida rasman poraxo'rlik ayblovi qo'yildi.
"The Telegraph" nashri xabariga ko'ra, bu hatto "Barselona" klubining dunyo futbolidan yo'qolib ketish darajasiga ham olib kelishi mumkin.
“Agar klub aybdor deb topilsa, jinoyatchilar 3 yildan 6 yilgacha qamoq jazosiga hukm qilinadi. "Barselona"ning o'zi professional futbol klubi sifatida faoliyat yuritishdan to'xtatilishi mumkin, bu esa katta ehtimol bilan 124 yoshli klubning bankrot bo'lishiga olib keladi", - deyiladi xabarda.
Avvalroq Kataloniya klubi o'ziga nisbatan boshlangan sud tergovi haqida rasmiy xabar olmagani va hozircha jamoatchilikka bayonot bermasligi haqida xabar berilgandi.