O‘zbekistonda xizmat ko‘rsatgan artist, xonanda, bastakor Ravshan Namozov (1961-2022) uzoq vaqt davom etgan kasallikdan so‘ng vafot etdi. Bu haqda shoir Bobur Bobomurod maʼlum qildi.
Ravshan Namozov 1961-yil 10-iyulda Termiz shahrida tug‘ilgan.
Xonandalik faoliyatini 1989-yilda tashkil etilgan “Qars” guruhi tarkibida boshlagan. Qator xalqaro ko‘rik-tanlovlar g‘olibi. “Chipradalli”, “Kovushim”, «Yor-yor yoron-ey», “Biyo-biyo”, “Xayol”, «Mana shunaqa» kabi qo‘shiqlari bilan xalq eʼtiboriga tushgan.