"Granada" vingeri Brayan Saragosa "Bavariya"ga o'tadi. Kelishuv qishki transfer oynasida yakunlanadi, biroq futbolchi ijara asosida mavsum oxirigacha ispan klubida qoladi va faqat yozda Myunxenga boradi. Shartnoma 2028-yilgacha mo'ljallangan. Nemis nashrlari xabariga ko'ra, yangi futbolchi "Bavariya"ga 15 million yevroga tushgan.
Asosiy futbol insayderi Fabritsio Romanoning qo‘shimcha qilishicha, “RB Leypsig” ham Saragosa uchun kurash olib borgan, klub futbolchi uchun 14 million yevro to‘lashga tayyor edi. Ammo bu nemis jamoasi futbolchini 2024-yilning yanvarida sotib olishni reja qilgan. Shuningdek, Brayanning o‘zi va “Granada” ham mazkur transferga rozilik bildirishgan.
Saragosa haqida nimalar ma'lum?
U 22 yoshda va bir necha oydan beri yuqori saviyada o'ynamoqda. Futbolchi shu yilning avgust oyida La Ligada debyut qildi va darhol asosiy tarkib futbolchisiga aylandi. Ispaniya chempionatining 15-turida keyin vinger hisobida “gol+pas” tizimi bo'yicha 5+2 ochko bor. Bu top-klub o'yinchisi uchun standart holat bo'lib ko'rinadi. Saragosa o'z klubida gol urish bo'yicha yetakchi hisoblanadi. Shuningdek, kutilgan uzatmalar, aniq zarbalar, oldinga siljishlar va driblinglar borasida ham ustunlikka ega. Muvaffaqiyatli dribling (40 dribling) bo'yicha u La Liganing barcha 20 ta jamoasi futbolchilari orasida birinchi o'rinda turadi. Biroq, bu yerda 30 ta dribling muallifi bo'lgan Vinisiusning jarohatini hisobga olish kerak.
Saragosaning o'sishi diqqatga sazovor. U o'zining kuchli tomonlari bilan "Barselona"ga qarshi o'yinda o'zgarishlarga sabab bo'ldi. Avvaliga Saragosa tezkorligi tufayli himoyachilar ortidan ochilib, darvoza tomon kuchli zarba berdi. Uchrashuvda kiritgan goli esa haqiqatan ham sovuqqonlik va texnikani talab qiladigan ajoyib gol edi.
Aslida Saragosa Ispaniya yoshlar terma jamoasining 10-raqami egasi. Yana bir jihati shundaki, qanot hujumchisi hozircha kattalar terma jamoasida faqat bitta o'yin o'tkazdi. "Barselona"ga qarshi o'yindan bir necha soat o'tgach, Saragosa terma jamoaga taklif qilindi. U dastlabki ro'yxatga kiritilmagan, ammo "Vilyarreal" vingeri Jeremi Pinault jarohati tufayli u chaqirilgan. Biroz vaqt o'tgach, Lamin Yamal ham Ispaniya terma jamoasini tark etdi. Shu o'rinda aniqlik kiritib o'tish joizki, ikkalasi ham hujumning ko'proq o'ng qanotida, Saragosa esa chap qanotda o'ynaydi.