Bekobod tumanidagi xonadonda 2 fuqaro is gazidan zaharlandi. Bu haqida tuman hokimining qarorida maʼlum qilindi.
Taʼkidlanishicha, hodisa 18-oktyabr kuni tumanning Mustaqillik mahallasidagi xonadonlardan birida sodir boʻlgan. Zaharlanish oqibatida 44 yoshli D.T. hamda uning 12 yoshli oʻgʻli F.I. vafot etgan.
Tuman hokimi ushbu hodisa sabablarini tekshirish va oqibatlarini bartaraf etish boʻyicha qaror chiqargan. Hujjat asosida ushbu voqea sabablarini tekshirish boʻyicha maxsus komissiya tuzilgan.