BMT Xavfsizlik kengashi bugun, 2 oktyabr kuni Yaqin Sharqdagi vaziyat bo‘yicha favqulodda yig‘ilish o‘tkazadi.
Shveysariya diplomatlariga ko‘ra, yig‘ilish soat 10:00 (bizning vaqt bilan 19:00 da) boshlanadi. Tadbirdan so‘ng Xavfsizlik kengashi aʼzolarining yopiq maslahat uchrashuvlari bo‘lib o‘tadi.
Isroil armiyasi (SAXAL) matbuot xizmati 1 oktyabr kuni Eron Isroil tomon keng ko‘lamli raketalar hujumi uyushtirgani haqida bayonot berdi.
The Jerusalem Post gazetasi xabariga ko‘ra, Eron Isroil hududi tomon 400 ga yaqin raketa uchirgan. Tel-Aviv shahri ham nishonga olingan.
Isroil bosh vaziri ofisi maslahatchisi Dmitriy Gendelman bergan bayonotga ko‘ra esa Eron Isroilga uchirgan raketalar soni 180 ta atrofida bo‘lib, ularning katta qismi zararsizlantirilgan.
O‘z navbatida, bosh vazir Binyamin Netanyaxu Eronning raketa hujumini «katta xato» deb atab, bu Tehronga qimmatga tushishini aytgan.