Surxondaryo viloyatining Boysun tumanidagi M-25 gaz konida 17-sentyabr kuni tushdan keyin yana vodorod sulfid sizib chiqishi yuz berdi. Ijtimoiy tarmoqlarda voqea joyidan olingan videolar paydo bo‘ldi.
Holat ortidan 2 nafar shaxs vafot etgan. Bu haqidagi maʼlumotni bugun, 18 sentyabr kuni AOKAda o‘tkazilgan matbuot anjumanida Bosh prokuratura vakili O‘ktam O‘tayev tasdiqladi.
“2 nafar odam o‘lgani bo‘yicha voqea joyiga viloyat prokurorining o‘zi chiqqan. Hozirda tergovoldi tekshiruv harakatlari olib borilmoqda”, — degan u.
