Braziliyaning Amazon ekvatorial tropik o‘rmonida samolyot halokati sodir bo‘ldi. Sayyohlarni olib ketayotgan samolyot qulagan. 14 kishi halok bo‘ldi.
Falokat vaqtida samolyot shtat maʼmuriy markazi Manausdan 400 kilometr uzoqlikdagi aerodromga qo‘nayotgan edi. Maʼlum qilinishicha, bu vaqtda kuchli yomg‘ir yog‘gan.
Samolyot bortida 12 nafar sayyoh va ikki nafar ekipaj aʼzosi bo‘lgan. Ularning hammasi qurbon bo‘ldi. Shtat fuqarolik mudofaasi departamenti halokat joyiga jo‘natish uchun guruh tayyorlamoqda.