Angliyaning Saffolk okrugidagi Beri-Sent-Edmunds shahrida joylashgan Moyse Hall muzeyida odam terisi bilan qoplangan kitob topildi. Mazkur kitob Buyuk Britaniya tarixidagi eng mashhur qotillardan biri Uilyam Korderga tegishli bo‘lishi mumkinligi taxmin qilinmoqda.
Uilyam Korder 1828 yilda sodir etilgan "Qizil ombor" qotilligi bilan tanilgan va o‘sha davrda keng jamoatchilik eʼtiborini tortgan edi. Uning ustidan sud ishi va jazosi Britaniya tarixida katta aks-sado bergan voqealardan biri hisoblanadi.
Mutaxassislar ushbu kitobni antropodermik bibliopoliya, yaʼni inson terisidan tayyorlangan kitoblar toifasiga kiritmoqda. Bu kabi kitoblar odatda XIX asrda sud-tibbiy amaliyot yoki jinoyat tarixining yodgorligi sifatida saqlanib qolgan. Muzey topilma yuzasidan qo‘shimcha tahlillarni davom ettirmoqda.