O‘zbekistonning Istanbul shahridagi bosh konsulxonasi Turkiyada bo‘lib turgan o‘zbekistonliklarga murojaat bilan chiqdi.
Unda hozirgi kunda Turkiya politsiyasi tomonidan noqonuniy migratsiyaga qarshi kurashish doirasida yirik shaharlar va jamoat joylarida «maxsus reydlar» davom ettirilayotgani maʼlum qilingan.
Shuningdek, taʼkidlanishicha, Turkiyada bo‘lish qoidalarini buzgan va qo‘lga olingan xorijliklar orasida O‘zbekiston fuqarolari ham bo‘lib, ularning aksariyati Istanbul shahridan boshqa viloyatlardagi repatriatsiya markazlariga yuborilayotgani kuzatilmoqda.
Fuqarolardan o‘zlari bilan shaxsini tasdiqlovchi (pasport) va Turkiyada yashash ruxsatini beruvchi (İkamet İzni) hujjatlarini olib yurishlari so‘raladi», deyiladi bosh konsulxona xabarida.