Deputatlar palatasi rossiyaliklarning Rossiya fuqaroligidan voz kechmasdan, Chexiya fuqaroligini olishini taqiqlovchi qonunga o‘zgartirishlarni maʼqulladi. Hozirda barcha chet elliklar Chexiya pasportini olishda avvalgi fuqaroligini ham saqlab qolishi mumkin.
Qonunchilikdagi tuzatishlar Chexiya fuqaroligini olish uchun rossiyaliklar tomonidan allaqachon berilgan barcha arizalarni ko‘rib chiqishni (15 yoshgacha bo‘lgan bolalar bundan mustasno) cheksiz muddatga to‘xtatadi.
Qonun Chexiya Senati va prezidenti tomonidan tasdiqlanganidan keyin kuchga kiradi.
2023 yilda 1166 nafar rossiyalik Chexiya fuqaroligini olgan, bu oxirgi 20 yildagi maksimal ko‘rsatkich.