Favqulodda vaziyatlar vazirligining xabar berishicha, Toshkent viloyatida joylashgan Chotqol davlat biosfera qo‘riqxonasi hududida sodir bo‘lishi mumkin bo‘lgan yirik yong‘inning oldi olindi
Taʼkidlanishicha, 8-iyul kuni kechasi Chotqol davlat biosfera qo‘riqxonasining Maydontol bo‘limi hududida kichik yong‘in sodir bo‘lgan.
FVVning o‘rmon yong‘inlarini bartaraf etish maxsus otryadi zudlik bilan voqea joyiga yetib borishi natijasida yong‘in o‘chirigan.
Buning natijasida o‘rmonning katta hududiga tarqalishi mumkin bo‘lgan yong‘inning oldi olindi. Jarayonga Mudofaa vazirligi, shuningdek, Ekologiya, atrof-muhitni muhofaza qilish va iqlim o‘zgarishi vazirliklarining kuch va vositalari ham jalb etilgan. Bundan tashqari, yong‘inni bartaraf etish jarayoni Favqulodda vaziyatlar vaziri tomonidan nazoratga olingan.
