Joriy yil 8-oktabr kuni soat 09-00 dan 12-00 gacha Andijon viloyati bojxona boshqarmasi “Do‘stlik” chegara bojxona postida fuqarolar va transport vositalari harakati vaqtinchalik to‘xtatiladi. Bu haqda Andijon viloyati bojxona boshqarmasi xabar berdi.
Harakatlar “Dostuk” chegara bojxona postida bo‘lib o‘tadigan ochilish marosimi sababli to‘xtatilgani aytilmoqda.
Eslatib o‘tamiz, avvalroq Qozog‘iston va O‘zbekiston chegarasidagi post vaqtincha yopilgani xabar qilingandi.