Eron rasmiylariga ko‘ra, mamlakat bo‘ylab ommaviy norozilik namoyishlari davomida kamida 5000 kishi halok bo‘lgan. Ismi oshkor qilinmasligi sharti bilan gapirgan Eron hukumati rasmiysi Reuters agentligiga bergan intervyusida, o‘limlar orasida taxminan 500 nafar xavfsizlik xizmati xodimi borligini ta’kidladi. Rasmiy “begunoh eronliklar”ning o‘limi uchun “terrorchilar va qurolli qo‘zg‘olonchilar”ni aybladi. Bu haqda dw.com nashri xabar berdi.
Dekabr oxirida boshlangan namoyishlar eng shiddatli to‘qnashuvlar va eng ko‘p o‘limlar shimoli-g‘arbiy kurd hududlarida qayd etilgan. Eron rahbarlari tartibsizliklar uchun tashqi dushmanlar va chet eldagi qurolli guruhlarni muntazam ayblaydi.
Boshqa manbalar, xususan inson huquqlari tashkilotlari esa boshqa raqamlarni e’lon qilmoqda. AQShda joylashgan HRANA tashkiloti 3308 dan 4382 nafargacha halok bo‘lganini xabar qilgan. Ularning ma’lumotlariga ko‘ra, 24 000 dan ortiq odam hibsga olingan. Norvegiyada joylashgan Hengaw tashkiloti ham shiddatli to‘qnashuvlar Eronning kurd hududlarida sodir bo‘lganini bildirgan.