Avvalroq joriy yilning 5-6 noyabr kunlari Samarqand shahrida “Samarkand Half Marathon” xalqaro xayriya yarimmarafoni o‘tkazilishi xabar qilingandi.
Shahar hokimligi xabariga ko‘ra, tadbirlar bo‘lib o‘tadigan hududlarda jamoat tartibini saqlash va marafonni namunali tashkil etish maqsadida 6 noyabr kuni soat 07:00 dan boshlab marafon yakunlangunga qadar ayrim ko‘chalarda transport vositalarining harakati vaqti-vaqti bilan cheklanadi.
Ular:
—Registon ko‘chasining Dahbed ko‘chasi kesishmasigacha;
—Dahbed ko‘chasidan Zargaron ko‘chasigacha;
—Islom Karimov ko‘chasi;
—Shohi Zinda ko‘chasi;
—Usta Umar Jo‘raqulov ko‘chasi.
Ma’lumot uchun: marafonda bahslar uch bosqichda, ya’ni 2 kilometr hamda 10 kilometr va 21 kilometr masofaga yugurish tartibida bo‘ladi.