Ijtimoiy tarmoqlarda Rishtonda harbiy qism yonayotgani tasvirlangan video tarqaldi. Holat bo‘yicha Rishton tumani FVB boshlig‘i tomonidan yong‘in joyidan rasmiy munosabat tayyorlangan.
Unda qayd etilishicha, yong‘in harbiy qismda emas, balki unga tutash bo‘lgan «Megastroy 2019» gulqog‘oz ishlab chiqarish sexida sodir bo‘lgan.
Yong‘in o‘chirish bo‘linmalari tomonidan yong‘inni o‘chirish ishlari amalga oshirilmoqda. Hodisa oqibatida jarohat olganlar yoki halok bo‘lganlar yo‘q.