Ushbu sovrinni "Real Madrid" va Braziliya terma jamoasi vingeri Vinisius Junior oldi. G‘olib nomini FIFA prezidenti Janni Infantino eʼlon qildi.
Eslatib o‘tamiz, Vinisius avvalroq oktyabr oyida Parijda taqdirlash marosimi bo‘lib o‘tgan "Oltin to‘p"ning asosiy favoriti deb topilgandi. Prognozlardan farqli o‘laroq, ushbu sovrinni ispaniyalik" Manchester Siti" yarim himoyachisi Rodri olgandi.
Vinisius ispan klubi tarkibida o‘tgan mavsumda Ispaniya chempioni, mamlakat Superkubogi g‘olibi va Chempionlar ligasi g‘olibiga aylangandi. Vinisius Dortmundning "Borussiya" klubiga qarshi kechgan finalda gol urdi. UEFA Superkubogini ham qo‘lga kiritdi.
2024 yilning eng yaxshi murabbiyi mukofotini "Real Madrid" bosh murabbiyi Karlo Anchelotti qo‘lga kiritdi.
Argentinalik darvozabon Emiliano Martines ikkinchi marta sayyoraning eng yaxshi darvozaboni deb topildi. U bu mukofotni 2022 yilda ham qo‘lga kiritgan.
Argentinalik hujumchi Alexandro Garnacho esa 2024 yilning eng yaxshi goli uchun Pushkash Ferens mukofotini oldi.