Xalqaro futbol federatsiyasi (FIFA) xorijlik futbolchilarga Isroil futbol klublari bilan tuzilgan shartnomalarni bir tomonlama bekor qilish huquqini berdi.
Yangi qarorga ko‘ra, xorijlik futbolchilar moliyaviy yo‘qotishlarsiz va jamoa e’tirozisiz Isroil klublarini tark etishlari mumkin. FIFA ushbu chora-tadbirni xavfsizlik bilan bog‘liq murakkab vaziyat fonida joriy etgan.
Ma'lumot uchun, “Makkabi Tel-Aviv” klubi 2024/25 yilgi mavsumda Isroil chempioni bo‘lgan edi.
Eslatib o‘tamiz, 13-iyunga o‘tar kechasi Isroil “Ko‘tarilayotgan sher” nomli harbiy operatsiya doirasida Eronning yadroviy va harbiy obyektlariga zarbalar bergan edi. Javoban, Eronning IRGC (Islom inqilobi qo‘riqchilari korpusi) “Haqiqiy va’da – 3” operatsiyasini boshlaganini e’lon qilib, Isroil hududiga raketa hujumlarini uyushtirgan.