Uning aytishicha, Fransiya 120 million dozaga yaqin vaksina yetkazib bermoqchi, bu avval rejalashtirilganidan ikki baravar ko‘p. Emmanuel Makron boshqa qit’alar, xususan, Afrikada emlanish darajasi nisbatan pastligini adolatsizlik, deb atadi.
Makronning aytishicha, Afrika aholisining atigi 3 foizi COVID-19 ga qarshi emlangan.
Bundan avval Jahon sog‘liqni saqlash tashkiloti rivojlangan mamlakatlarga koronavirusga qarshi vaksinalarning dunyo miqyosida notekis taqsimlangani uchun tanbeh bergan edi.
Eslatib o‘tamiz, JSST COVID - booster vaksinasi haqidagi fikrini o‘zgartirdi. Tashkilot endi uchinchi doza bilan emlashni rejalashtirayotgan davlatlarni ayblamaydi. Bunday emlash faqat zarurat tug‘ilgan odamlar uchun kerak. Ilgari JSST uchinchi dozani qo‘llashni noo‘rin, deb hisoblagandi.
Nasiba To'xtayeva