Fransiya tashqi ishlar vaziri Jan-Noel Barro Yevroittifoq Rossiyaning muzlatilgan aktivlari bo‘yicha qarorni 18 dekabr kuni qabul qilishi mumkinligini ma’lum qildi. Uning so‘zlariga ko‘ra, bu boradagi muhokamalar yaqin kunlarda ham davom ettiriladi.
Barro Yevropa davlatlari Ukrainani yaqin ikki yil ichida iqtisodiy bosimlardan himoyalashga qat’iy bel bog‘laganini ta’kidladi. Uning fikricha, aktivlarga nisbatan keskin choralar qo‘llash Yevropa xavfsizligi va barqarorligi uchun muhim ahamiyatga ega.
“Eng ustuvor vazifa — Yevropa hududida joylashgan Rossiya aktivlarini bloklangan holda saqlashni kafolatlashdir. Bu bizga kelajakdagi tinchlik sharoitlariga ta’sir ko‘rsatish imkonini beradigan muhim siyosiy vosita sanaladi”, — dedi Fransiya TIV rahbari.