Belarus prezidenti Aleksandr Lukashenko Yevropa Ittifoqi mamlakatlari bilan munosabatlarni saqlab qolish maqsadga muvofiqligini aytdi.
“Biz birinchi navbatda Rossiya, Xitoy hisobidan yashayapmiz. Lekin yuqori texnologiyali G‘arbni unutmasligimiz kerak. Yevropa Ittifoqi bizning qo‘shnilarimiz. Va ular bilan munosabatlarni yo‘qotib bo‘lmaydi. Biz bunga tayyormiz, lekin o‘z manfaatlarimizni hisobga olgan holda”, – deydi Lukashenko.
Belarus va G‘arb davlatlari o‘rtasidagi munosabatlar 2020 yilgi prezidentlik saylovlaridan keyin keskin yomonlashdi. G‘arb davlatlari Belarus rasmiylari va korxonalari nisbatan bosqichma-bosqich sanksiyalar joriy etdi.
