Rossiyaning “Gazprom” kompaniyasi 18-iyun kuni “Turk oqimi” gaz quvurining to‘xtatilishini e’lon qildi.
“Turk oqimi” gaz quvurining ikkala tarmog‘i bo‘ylab gazni tashish rejali profilaktika ishlari munosabati bilan 21-iyundan 28-iyunga qadar vaqtincha to‘xtatiladi”, — deyiladi xabarda.
Ma’lumki, Turkiya va qator Yevropa davlatlari “Turk oqimi” orqali gaz oladi.
So‘nggi kunlarda “Gazprom” “Shimoliy oqim–1” orqali gaz yetkazib berishni 60 foizga qisqartirdi. Shu bois Yevropada gaz narxi ming kub metr uchun 1500 dollardan oshdi.