Aktrisa Raʼno Shodiyeva Instagramda jonli efir vaqtida nima sababdan jarrohlik amaliyotini boshdan kechirganini maʼlum qildi.
"Jigarimning 60 foizi olib tashlandi va sog‘lom qismini qoldirishdi. Jigar bu – o‘sadigan narsa. Uning olib tashlangan qismi Xudo xohlasa 1 yil ichida o‘sib joyiga tushadi.
Amaliyot oson bo‘lmadi, juda qiyin, mashaqqatli bo‘ldi. Jigarning organizm ishida 300 ta funksiyasi bor, jigarda qon tomirlari ko‘p. Ularning hammasini joy-joyiga qo‘yib tikish kerak bo‘ldi. 5 oydan beri Turkiyadaman. Hozir muolaja olyapman, kimyoviy davolanishdaman", dedi Raʼno Shodiyeva.
Maʼlumot uchun: aktrisa 29 yanvar kuni 11 soatlik og‘ir operatsiyani boshdan kechirgani haqida maʼlum qilgan va Yaratgan unga ikkinchi hayot berganini aytgan edi.