15 yoshli o‘smirning oilasi o‘g‘li qusish va qorindagi kuchli og‘riqlar shikoyati bilan kasalxonaga yotqizilganini aytdi. Ularning so‘zlariga ko‘ra, shifokor operatsiyani YouTubeʼdagi videodarslik yordamida amalga oshirgan. Operatsiya vaqtida bolaning yuragi to‘xtab qolgan va uni zudlik bilan boshqa shifoxonaga olib ketishgan, biroq uni saqlab qolishning iloji bo‘lmagan.
Bolaning qarindoshlari shifokorni beparvolikda ayblamoqda. Hozirda tegishli organlar hodisa sabablarini aniqlash va aybdorlarni javobgarlikka tortish uchun tergov ishlarini boshlab yuborgan.