Tovar-moddiy boyliklarning yurtimiz hududiga noqonuniy yo‘llar orqali olib kirilishiga qarshi kurashish borasida bojxona organlari tomonidan tizimli choralar ko‘rilmoqda.
Toshkent shahar bojxona boshqarmasining Kontrabandaga qarshi kurashish bo‘limi hamda “Toshkent-tovar” bojxona posti xodimlari tomonidan hamkorlikda xorijdan keltirilgan ehtiyot qismlar belgilangan tartibda bojxona ko‘rigidan o‘tkazildi.
Natijada yo‘l-yuk kuzatuv hujjatlarida ko‘rsatilganidan ortiqcha bo‘lgan qiymati 1 milliard 64 million so‘mlik 22 270 dona velosiped kamera va shinalari borligi aniqlandi.
Holat yuzasidan tekshiruv va surishtiruv harakatlari olib borilmoqda.
