Jahon Banki O‘zbekistondagi islohotlarni qo‘llab-quvvatlash uchun kredit ajratdi. Uning miqdori 950 million dollar ekanligi aytilmoqda.
Bank 470 million dollar imtiyozli, 480 million dollar esa foiz stavkasi past kredit taqdim etadi.
“Dunyodagi hamda Yevropa va Markaziy Osiyo mintaqasidagi og‘ir vaziyatga qaramay, O‘zbekiston islohotlarga sodiq qolayotganini namoyish etmoqda. Jahon bankining ushbu amaliyoti O‘zbekistonga 2017 yildan inklyuziv bozor iqtisodiyotini yaratish maqsadida ko‘rsatib kelinayotgan keng moliyaviy va texnik ko‘makka asoslanadi”, – degan JBning Markaziy Osiyo bo‘yicha mintaqaviy direktori Tatyana Proskuryakova.
Mablag‘lar asosan, ijtimoiy himoya tizimi samaradorligini oshirish, xususiy sektorning iqtisodiyotning turli tarmoqlaridagi rolini kuchaytirish, davlat tashkilotlari moliyaviy faoliyatini ustidan nazoratni faollashtirish va boshqa maqsadlarda sarflanadi.
