Jahon chempionati hali boshlanmadi, lekin u allaqachon janjallarga aylana boshladi. Bu safar tashkilotchilar kelishilgan o‘yinlarni uyushtirishda ayblanmoqda.
“Korrespondent” nashriga ko‘ra, ekspertlar Jahon chempionatining ochilish o‘yini adolatsiz natijaga olib kelishi mumkinligini aytdi.
“Qatar 8 nafar ekvadorlik futbolchiga jahon chempionatidagi ilk mag‘lubiyati uchun 7,4 million dollar pora berdi. Buni Qatar va Ekvadordan besh nafar insayder tasdiqladi. Umid qilamizki, bu yolg‘on. Dunyo FIFAdagi korrupsiyaga qarshi turishi kerak”, — deyiladi xabarda.
Eslatib o‘tamiz, Qatar va Ekvador terma jamoalari o‘rtasidagi JCh-2022 ochilish o‘yini 20-noyabr kuni bo‘lib o‘tadi.