Peru Ichki ishlar vazirligi Kallao port terminalida keramik plitkalar jo‘natmasi niqobi ostida 2,3 tonna kokain musodara qilingani haqida xabar berdi.
Narkotik moddalarni Turkiyaga olib o‘tish rejalashtirilgan. Huquq-tartibot idoralarini yukni koʻzdan kechirish chogʻida toʻq sariq va kumush rangdagi 337 dona kvadrat plitkalar shubhalantirgan. Kimyoviy reagent bilan o‘tkazilgan sinovlardan so‘ng ekspertlar ular qurilish materiallari emas, balki narkotiklarning katta partiyasi ekanligini aniqladi.
Birlashgan Millatlar Tashkilotining Narkotiklar va jinoyatchilik bo‘yicha boshqarmasi (UNODC) tomonidan o‘tkazilgan tadqiqotga ko‘ra, 2021-yilda kokainning asosiy moddasi bo‘lgan koka ishlab chiqarish 2020-yilga nisbatan 35 foizga oshgan. Bu 2016-yildan beri eng katta o'sishdir.