Kongoda to‘qqiz kishi maymunchechakdan vafot etdi. Nigeriyada esa mazkur kasallikdan birinchi o‘lim qayd etildi.
Shifokorlarning ta’kidlashicha, Kongoda kasallikning davom etishi o‘lik maymunlar va kemiruvchilarni iste’mol qilish bilan bog‘liq.
“Odamlar o‘rmonga kirib, maymunlar, ko‘rshapalaklar va kemiruvchilarning jasadlarini olib ketishadi. Ular maymunchechak kasalligining manbasi hisoblanadi”, — deydi kongolik tibbiyot mutaxassisi.
Rasmiylar maymunchechak alomati sezilgan fuqarolar o‘zlarini izolyasiya qilishini va buning uchun sog‘liqni saqlash markaziga tashrif buyurishini aytmoqda.