Bugun, 16-yanvar kuni Farg‘ona viloyatining Marg‘ilon shahrida ikkita avtomashina ishtirokida yo‘l transport hodisasi sodir bo‘ldi. Holat yuzasidan viloyat IIB YHXB maʼlumot berdi.
Qayd etilishicha, soat 13:45 larda Marg‘ilon shahar “Mustaqillik” va A.Yassaviy ko‘chalari kesishmasida Cobalt va Lacceti rusumli transport vositalari o‘zaro to‘qnashib ketgan.
Dastlabki maʼlumotlarga ko‘ra, hodisa oqibatida tan jarohati olgan va jabrlanganlar yo‘q. Hozirda ushbu holat yuzasidan Marg‘ilon shahar IIB YHXB xodimlari tomonidan o‘rganish ishlari olib borilmoqda.