Meksikada Facebook ijtimoiy tarmog‘ida yolg‘on ish takliflari bilan aldab, ketma-ket qotillikda gumon qilingan shaxs hibsga olindi.
U 7 nafar ayolni vaxshiylarcha o‘ldirganlikda gumon qilinmoqda. Eng so‘nggi qotillik Verakruzning Fors ko‘rfazi sohilidagi shtatida 31 yoshli ayolning ish suhbatiga ketib, o‘lik holda topilgani bilan bog‘liq.
Verakruz shtat prokurorlarining ta’kidlashicha, Viridiana Moreno ismili shaxs “Meri Medison” akkaunti ostida ro‘yxatdan o‘tgan. U Facyebook messenjer posti orqali haftasiga 90 dollarlik resepsiyonist sifatida ish taklif qilgan, vazifalarga esa telefonlarga javob berish va uchrashuvlarni belgilash kiradi. U suhbat uchun kelgan ayollarni turli joylarda o‘ldirgan. Jasadlarni ham turli joylarga yashirgan. Erkak shimoliy Quyeretaro shtatida ayol sherigi bilan birga hibsga olingan.