Argentina terma jamoasi futbolchisi Lionel Messi o‘zining ijtimoiy tarmoqlarida Saudiya Arabistonidagi turizmni reklama qilgani uchun taxminan 25 million dollar olishi mumkin.
Sportchi bilan shartnoma uch yil muddatga tuzilgan. Taxminlarga ko‘ra, Messi tijorat faoliyatida ishtirok etadi, Saudiya Arabistoni haqida postlar joylashtiradi va ularni maʼlum bir heshteg bilan belgilaydi, mamlakatda oilasi bilan pullik taʼtillarni o‘tkazadi. Shu bilan birga, u Saudiya Arabistoniga “dog‘ tushiradigan” biror gap aytishga haqqi yo‘q.